Skip to content
Со подигнување на фестивалското знаме, во Штип е означен почетокот на 41. издание на „Макфест“. На 30 и 31 октомври, на сцената на Центарот за култура „Ацо Шопов“, ќе бидат претставени 27 нови композиции.
Знамето го подигнаа пејачката Лара Иванова и директорот на фестивалот, Александар Арсовски. Иванова годинава го добива признанието за најслушана песна меѓу двете фестивалски изданија.
„Макфест 2026“ со две фестивалски вечери
На првата вечер ќе бидат изведени 15 нови песни. Според уметничкиот директор Роберт Саздов, ќе настапат помалку познати изведувачи, од кои само дел се дебитанти. Шестмина од нив ќе продолжат во втората вечер.
За утревечер се најавени уште 12 нови композиции. Водители на фестивалот се Марјана Станојковска и Димитар Атанасовски.
Саздов на прес-конференцијата изјави дека подготовките се завршени и дека очекува напредок во музичкиот и техничкиот дел на фестивалот.
Лара Иванова: „Макфест“ е почеток на мојата кариера
Иванова истакна дека признанието има посебно значење за неа, бидејќи токму на оваа сцена ја претставила својата прва песна во 2019 година.
Пејачката најави и нов настап на фестивалот, изразувајќи надеж дека и годинашното издание ќе донесе песни што ќе продолжат да се слушаат по двете фестивалски вечери.
