Skip to content
Танкерот „Атлантик Асфалт“ удри во закотвениот речен крузер „Американ Херитиџ“ во близина на пристаништето во Њу Орлеанс. На туристичкиот брод имало повеќе од 130 патници и членови на екипажот, а по ударот бродот примил вода и се превртел на страна, соопштија пристанишните власти и градските служби.
Спасувачките екипи веднаш започанле акција за извлекување на луѓето од реката Мисисипи. Според аудиоснимките од противпожарните и итните служби на Њу Орлеанс, екипите на терен пријавиле дека речниот брод забрзано прима вода и набрзо се превртел, при што повеќе лица завршиле во водата.
Rescues are underway in New Orleans after a tanker struck a cruise ship on the Mississippi River Friday evening. 📷: Kern Studios https://t.co/ZPspGtM0Yr https://t.co/30fn83oHVS
— wdsu (@wdsu) November 13, 2026
Пожарникарите и спасувачките тимови им помагале на патниците со елеци за спасување да излезат од реката. Од Градот Њу Орлеанс потврдија дека повеќе лица се веќе спасени и дека агенциите за јавна безбедност ги координираат активностите на терен.
Компанијата „Американ Круз Лајнс“, која управува со речниот брод „Американ Херитиџ“, соопшти дека гостите и екипажот се евакуирани во тесна координација со Крајбрежната стража на САД и локалните власти. Бродот „Американ Херитиџ“ е изграден во 2015 година, има пет палуби и капацитет до 150 гости, а во моментот на несреќата бил закотвен на пристаништето по завршувањето на осумдневното крстарење по реката Мисисипи.
Танкерот „Атлантик Асфалт“, долг околу 160 метри и широк 23 метри, пловел по реката Мисисипи, поминал под мост и удрил во закотвениот крузер. Според податоците од системот за следење бродови „Марин Трафик“, танкерот е регистриран на Маршалските Острови и е специјализиран за превоз на асфалт и битумен.
Гувернерот на Луизијана, Џеф Лендри, објави дека е во постојан контакт со локалните функционери и полицијата и дека се упатил кон Њу Орлеанс. Со инцидентот е запознаен и Националниот одбор за безбедност на транспортот на САД, кој сè уште не објавил дали ќе отвори официјална истрага, додека причините за сударот и точниот број на повредени лица се утврдуваат.
