Skip to content
Претседателите на Русија и Кина, Владимир Путин и Си Џинпинг, ќе имаат средба во Пекинг во октомври, кога ќе имаат детални билатерални разговори како дел од нивното учество на меѓународниот форум „Појас и пат“, соопшти денеска секретарот на Советот за безбедност на Русија, Николај Патрушев.
На средбата со кинескиот министер за надворешни работи Ванг Ји во Москва, Патрушев рече дека Русија и Кина имаат еднакви или блиски ставови за фундаменталните прашања на современиот светски поредок и клучните меѓународни проблеми .
– Зборуваме и за основниот принцип на еднаква и неделива безбедност, рече Патрушев и посочи дека Москва го поддржува Пекинг за прашањата на Тајван, Синџијанг, Тибет и Хонг Конг.
Претходната средба на Путин и Си беше во март, годинава во Москва.
