Skip to content
„До воведувањето на Законот за финансиска поддршка на инвестиции состојбата е следна: поддржани нула домашни компании, со нула финансиска поддршка за нивните инвестиции. ЗФПИ првенствено донесе ист третман на домашните со странските компании во поддршката кон нивните инвестиции и сега 6 години подоцна ја имаме следната состојба: во моментов целото портфолио во мојот кабинет е од 919 компании, кои во овие 6 години имаат инвестирано над 500 милиони евра а имаме исплатено 100 милиони евра финансиска поддршка кон нив“, истакна вицепремиерот за економски прашања Фатмир Битиќи на прес-конференција.
Тој додаде дека преку оваа поддршка се јакне довербата и партнерскиот однос помеѓу стопанството и институциите, бидејќи ако порано постоел страв да се побара било каква поддршка од државата, затоа што тоа значело инспекции и уцена, денеска имаме сосема поинаква слика.
„Не само на редовна исплата, која пред 2 години ја направивме и во две годишни транши за да ги помогнеме компаниите во нивната ликвидност за време на кризата, туку и од 2020 година со почетокот на мојот мандат, имаме 100 пронцети исплата на државната помош“ рече Битиќи.
Вицепремиерот кажа дека оваа година е исплатена рекордна сума на финансиска поддршка кон компаниите од 39,6 милиони евра исплатени кон 513 компании, кои во 2022 година реализираеле вкупно инвестиции од 153,3 милиони евра.
