Во ЕУ Италија и Бугарија со најмногу пријави за морбили

Во Европската Унија и Европската економска област се пријавени 2.325 случаи на морбили во 12-те месеци до крајот на септември 2026 година. Во истиот период една година претходно имало 10.195 случаи. Според прелиминарните податоци на Европскиот центар за превенција и контрола на болести (ЕЦДЦ), Италија и Бугарија заедно имаат повеќе од половина од пријавените случаи.

ЗемјаПријавени случаи од октомври 2025 до септември 2026
Италија651
Бугарија589
Романија268
Шпанија218
Франција139

Бугарија има највисока стапка, 91,5 пријавени случаи на милион жители, наспроти просекот од 5,1 во 30-те земји опфатени со извештајот. Најголем дел од случаите во Бугарија се поврзани со епидемијата што почна во март. Во извештајот за 12-те месеци до септември нема пријавени смртни случаи од морбили.

Речиси 72 отсто од заболените за кои биле познати возраста и вакциналниот статус биле невакцинирани. ЕЦДЦ препорачува најмалку 95 отсто од населението во секоја заедница да биде опфатено со две дози вакцина за да се спречат епидемии.

Во Македонија, министерот за здравство Сашо Клековски на 12 ноември соопшти дека дотогаш биле потврдени пет случаи на мали сипаници, а уште еден бил сомнителен.

Рацин.мк ве прашува:

Кој најмногу придонесува говорот на омраза да стане нормална појава во Македонија?

Најчитано

Рацин.мк ве прашува:

Кој најмногу придонесува говорот на омраза да стане нормална појава во Македонија?