Skip to content
Американската амбасадорка во Скопје, Ангела Агелер, не даде конкретен одговор дали министерот за социјална политика, Фатмир Лимани, добил забрана за влез во САД.
„Имаме многу строги закони за приватност во Соединетите Држави и затоа не можам да коментирам за визите на поединци. Ќе ве упатам во министерството за повеќе информации“, изјави Агелер.
Лимани не одговара на прашањата од новинарите, а засега комуницира исклучиво преку својот Фејсбук профил. Во својата последна објава, тој ја поврза ситуацијата со своето политичко делување.
„Причината за ‘пречката за слободно движење’ е тоа што жртвував сè за да го вратам Али Ахмети, заедно со неговите деца и пријатели, во неговата татковина на начини кои не се дозволени со меѓународното право“, напиша Лимани.
Претходно, се шпекулираше дека и друг министер од ДУИ добил одбивање за виза, а поранешниот вицепремиер Артан Груби подоцна беше ставен на црната листа на Стејт департментот.
