Skip to content
Срѓан Цвијиќ од Меѓународниот советодавен комитет на белградскиот центар за безбедносна политика, на панелот „Спротивставување на авторитаризмот“ се осврна на медиумското влијание во креирањето на јавното мислењее под влијание на српската власт.
„10 години немаме слободни медиуми. Речиси сите се контролирани од власта. Од август оваа година имаме сериозно загрозување на слободата на здружување. Важно е како гледаме на ваквите хибридни режими. Тие се процеси кои што водат кон целосен авторитаризам. Не треба Русија да се обвини како Србите размислуваат за светот, регионот, за својата земја. Нивните мислења се обликувани од медиумската машинерија на српската власт“, истакна Цвијиќ.
Д-р Константинас Андријаускас од Универзитетот Вилнус, како учесник на панелот, рече дека Литванија веќе со децении се соочуваме голем број проблеми и претходни конфликти.
„Во 2014 во јули бев во Сибир, Русија и прехтодно доста често минував време таму, речиси секој летен одмор додека бев дете. Имавме таму прослава за мојот роденден и едно утро се разбудивме вклучивме телевизија и видовме вести за соборување украински воен авион и моите пирјатели многу добро ја разбираа мојата политичка историја и тие не кажаа „ние пак соборивме ваш авион“. Навистина во тој период русите соборија авиони со украински војници. Само неколку часа подоцна наративот во медиумите се смени значајно и моите пријатели кои се смееја и правеа шеги сега одеднаш, озбилни, кажуваат дека соборените авиони се со војници кои претходно собориле руски авион, сакав да им кажам како можат да се глупави и да веруваат во такви работи. Така функционираат авторитативните земји. Таква е целата истоија на овој дел, на овој регион ако ги земеме во предвид сите примери за бомбардирање згради и слично. Ние имаме една цела генерација руси за кои што Путин е татковска фигура“, истакна Андријаускас.
Тој посочи две клучни препораки, да се стремиме кон објективна вистина и начинот на кој ќе известуваме за објективната реалност.
Експертката за дезинформации и пропаганда, Катерина Павлова, на панелот „Спротивставување на авторитаризмот“ рече дека каде и да оди ќе ја претставува Украина, иако доаѓа како претставник на организација од Германија.
„Каде и да одам, иако не сум на фронтот во Украина, носам војнички кондури“, вели таа.
Павлова вели дека медимската писменост делува само на информациите, дезинформациите делуваат поинаку – на емоциите.
„Ако Трамп каже дека мигрантите во САД ќе им ги јадат мачките и кучињата, луѓето знаат дека не е така, ама решаваат да му веруваат“, додава таа.
Павлова истакна дека Германија треба да учи од Северна Македонија како да биде отпорна на дезинформации. Таа заклучи дека десничарите се многу присутни на Тик Ток каде што шират дезинфомации.
