Екстремно десничарскиот Херберт Кикл ја добива својата шанса да формира влада

Херберт Кикл, лидер на австриската антиимигрантска Партија на слободата (FPÖ), има шанса да стане нов канцелар на Австрија и нејзин прв лидер на екстремната десница од крајот на Втората светска војна, пишува ПОЛИТИКО.
Австрискиот претседател Александар Ван дер Белен се состана со Кикл во Виена во понеделникот наутро и му даде задача да ја формира новата влада, откако коалициските разговори меѓу главните партии пропаднаа кон крајот на минатата недела, откако либералниот НЕОС ги напушти преговорите.
„Г. Кикл има доверба … да најде остварливи решенија“, рече Ван дер Белен по состанокот. „Затоа му наложив да иницира разговори со [конзервативната] ОВП за почеток на владините преговори“.

Во саботата, конзервативниот австриски канцелар Карл Нехамер ја објави својата оставка, велејќи дека не е можен „никаков договор“ со централно-левичарската Социјалдемократска партија (СПО) „за клучните точки“ кон формирање влада.
Во неделата, новиот лидер на Нехамеровата конзервативна Австриска народна партија (ÖVP), Кристијан Штокер, рече дека ÖVP „нема да одбие разговори со FPÖ“.
Антимигрантската и пријателска на Русија FPÖ, која беше основана од поранешни нацисти во 1956 година, освои најмногу места во Националното собрание на изборите во септември, но првично беше блокирана да формира влада со сите други големи партии кои одбиваа да соработуваат со неа.
Но, таа почетна тврда линија, барем од десната страна на политичкиот спектар на Австрија, сега се чини дека омекнува.