Поранешниот бразилски претседател Жаир Болсонаро е сместен на интензивна нега во болницата „ДФ Стар“ во Бразилија поради опструкција на цревата. Според болничкото соопштение од саботата, тој е свесен, клинички стабилен и дише самостојно, но засега нема најавен датум за отпуштање.
Болсонаро бил хоспитализиран во петокот, 20 ноември, по силни болки во стомакот. Лекарите започнале терапија со надоместување течности и нутритивна поддршка, а му била поставена и желудочна сонда.
Тој и претходно повеќепати беше хоспитализиран и опериран поради здравствени проблеми поврзани со убодната рана во стомакот што ја доби на предизборен собир во 2018 година.
Болсонаро беше претседател на Бразил од 2019 до 2022 година. Од минатата година отслужува затворска казна од 27 години поради планирање државен удар по изборниот пораз од Луис Инасио Лула да Силва.
