Груевски „уловен“ на фотографија во Будимпешта

Радио Слободна Европа на унгарски јазик, објави фотографија со поранешниот македонски премиер, за која се вели дека е снимена во средата навечер.

„Никола Груевски повторно беше виден во Будимпешта. Никола Груевски, кој побегна во Унгарија во ноември 2018 година од последната затворска казна, беше фотографиран во ресторанот Токио во центарот“, пишува на социјалните мрежи на медиумот.

Во описот на фотографијата пишува:

„Седеше на маса покрај прозорец, во друштво на една госпоѓа. Поранешниот македонски премиер е осуден на две години затвор за кривично дело корупција сторено за време на неговиот мандат. Постапката утврдила дека тој влијаел на изборот на дилер при набавка на блиндиран автомобил, незаконски прислушувал опозициски политичари и членови на власта, а се сомневал и за изборен фалсификат“.

Понатаму во текстот пишува: „Груевски требаше да оди во затвор на 8 ноември 2018 година, но наместо тоа, тој беше прошверцуван во Унгарија неколку дена подоцна под сè уште неразјаснети околности. До денес е сомнително и во која постапка добил азилант кај нас“, заклучува Радио Слободна Европа на унгарски јазик.