Со признанието дека се во војна во Украина, Русија стана жртва на сопствената лага

Русија конечно ја нарекува својата инвазија на Украина „војна“, откако помина повеќе од две години опишувајќи ја еуфемистички како „специјална воена операција“.

Промената стана јасна во петокот кога Дмитриј Песков, портпарол на Кремљ.

„Ние сме во воена состојба“, рече Песков. „Да, започна како специјална воена операција, но штом колективниот Запад стана учесник во ова на страната на Украина, тоа стана војна за нас“.

Фразата „специјална воена операција“ е начинот на кој руските власти во огромно мнозинство ја именуваа целосната инвазија на Русија откако таа беше започната во февруари 2022 година.

Но, имаше некои забележителни лапсуси.

Рускиот претседател Владимир Путин тоа го нарече „војна“ во декември 2022 година, што поттикна еден пратеник да повика на акција против него поради законот што Путин го воведе и со кој ефикасно се криминализира секоој што ќе ја нарече „војна“ или „инвазија“.

Американски функционер изјави за Си-Ен-Ен дека веруваат дека забелешката на Путин е грешка, лапсус.

Забелешките на Песков изгледаат намерни.

Експертите тогаш толкуваа дека инсистирањето на Русија да се опише како „специјална воена операција“ е дел од напорите да се убедат оние дома дека не се во војна.

Според западните разузнавачи, Русија се обидела да ја прикрие реалноста на конфликтот од својата поширока јавност.

Русија, исто така, се обиде да ја скрши секоја домашна опозиција на војната со казнување на оние што протестираат или ја критикуваат со законот на Путин.