Skip to content
На денешен ден во 1953. година, во Скопје е роден Бранимир Штулиќ – Џони, легендарен композитор, музичар, поет… Дете на офицер на тогашната ЈНА, Џони до неговата петта година живее во Скопје, а потоа се преселуваат во близината на Загреб.
Во почетокот на седумдесеттите години го формира бендот Balkan sevdah band, а во 1977. година ја формира култната, легендарна и единствена Азра.
Името на бендот Азра е одбрано кога во една прилика, на шанкот на загрепскиот Театар ИТД, Џони ги рецитира стиховите на Хајнрих Хајне – Азра. Стиховите преведени на српско-хрватски стануваат општо прифатена севдалинка.
Казуј робе, откуда си, из племена којега си?
Ја се зовем Ел Мухамед, из племена старих Азра,
што за љубав живот губе и умиру када љубе.
За време на својата кариера, скопјанецот Џони Штулиќ, испиша музичка историја и со децении беше веројатно највлијателниот рок музичар. Особено значаен е тројниот албум во живо „Равно до дна“ (октомври, 1981), кој е снимен за време на седум последовтелни концерти отсвирени во загрепскиот клуб „Кулушиќ“.
По тоа следува „Филигрански плочници“, двоен албум во кој се поизразени политичките коментари, како што е „Tko to tamo pijeva“, која е директно обраќање кон тогаш веќе починатиот Тито.
Дискографијата на Штулиќ е обемна и претставуваше задолжително четиво за повеќе генерации кои ги сведочеа последните денови и смртта на Авнојска Југославија.
Азра
- „Азра” 1980.
- „Сунчана страна улице” (2LP) 1981.
- „Равно до дна” (концертни 3LP) 1982.
- „Филигрански плочници” (2LP) 1982.
- „Сингл плоче 1979—1982.” 1982.
- „Кад фазани лете” 1983.
- „Криво срастање” 1984.
- „Као и јучер, сингл плоче 1983—1986.” 1986.
- “It Ain’t Like In The Movies At All” (3LP) 1986.
- „Између крајности” 1987.
- „Задовољштина” (концертни 4LP) 1988.
Соло
- „Балканска рапсодија” 1989.
- „Балегари не вјерују срећи” 1990.
- „Севдах за Паулу Хорват” 1995.
- „Анали” (2CD) 1995.
- “Blasé” (2CD) 1997.
- “Сплет” (3CD) 2022.
Освен музика, Џони има објавено бројни авторски книги и преводи (главно од старогрчки јазик).
Живее во Холандија. Понекогаш е лут и пцуе. Како прав скопјанец.
Преземено од Редакција Трн
