Студен туш од Вебер од ЕПП за ВМРО-ДПМНЕ: Целосно да се почитува Преспанскиот договор и доследно да се користи името Северна Македонија

„Раководството на ВМРО-ДПМНЕ треба целосно да ги почитува обврзувачките одредби од Преспанскиот договор и доследно да го користи името Северна Македонија. Почитувањето на меѓународните договори е основен предуслов за нас како ЕПП. Во спротивно, Европа не може да функционира и ЕУ нема да го прифати ова“, напиша претседателот на Европската народна партија (ЕПП), Манфред Вебер, на платформата Икс.

Оваа порака пристигна од претседателот на Европската народна партија (ЕПП), Манфред Вебер, наместо честитка за изборната победа до ВМРО-ДПМНЕ.

Ова е прво огласување на Европската народна партија по изборните победи на претседателските и на парламентарните избори на ВМРО-ДПМНЕ, која е дел од ова „семејство“ на партии од десниот центар во Европа.

The @VMRO_DPMNE leadership should fully respect the binding Prespa Agreement provisions & consistently use the name “North Macedonia.” Respecting international agreements is a fundamental prerequisite for us as @EPP. Otherwise Europe can not function & the EU will not accept this

— Manfred Weber (@ManfredWeber) May 23, 2024