Русите повторно купуваат од Италијанците: Путин пресече – познатиот производител на бела техника се враќа на тамошниот пазар

Италијанскиот производител на бела техника „Аристон“ објави дека ќе се врати на рускиот пазар.

„Одлучивме да ја обновиме соработката со нашиот локален менаџмент во Русија, целосно почитувајќи ги постојните ограничувања, за да го продолжиме нашето наследство во земјата“, изјави претседателот на италијанската компанија, Паоло Мерлони.

Компанијата „Аристон Термо Рус“ е регистрирана во Ленинградската област и нејзината главна дејност е производство на електрични апарати за домаќинство.

Оваа одлука доаѓа откако рускиот претседател Владимир Путин ја отстрани руската подружница на „Аристон“ од листата на компании кои привремено беа ставени под управување на системот за домаќинства на „Газпром“, објавува „Комерсант“.

„Газпром“ ја презеде контролата врз „Аристон“ во пролетта 2024 година, а Италија потоа протестираше против „национализацијата“.

Во таа прилика, рускиот амбасадор во Рим бил поканет во италијанското Министерство за надворешни работи на интервју, потсетува рускиот весник.