Skip to content
Поглаварот на Римокатоличката црква, папата Франциск, почина денес на 88-годишна возраст, на вториот ден од Велигден. За време на неговиот живот како папа, тој имал многу одговорности, а кога станувало збор за посети на други земји, како и за посетите на монархот во Ватикан, многумина го забележале кодексот на облекување за жените.
Имено, познатата „le privilege du blanc“ или привилегијата на белата боја е обичај на Католичката црква што им дозволува на одредени женски членови на кралските семејства да носат бела облека (традиционално бела облека и бел превез) во присуство на Папата. Тоа е исклучок од традиционалниот услов жените да носат црно во такви пригоди, што стана опционално од 1980-тите.
Жените во темна облека или во црно се честа појава за време на официјалните посети на Ватикан или приватните аудиенции со папата. Сепак, според ватиканскиот протокол, во светот има седум жени кои имаат привилегија да носат бело пред папата. Овие жени се католички владетели или сопруги на католички монарси од следните европски кралски куќи: Шпанија, Белгија, Луксембург и Монако.
Поранешната кралица на Шпанија, Доња Софија, се сретна со последните пет папи – од Павле VI до Франциск. Оваа привилегија ѝ беше префрлена на Летиција кога таа стана кралица на Шпанија во 2014 година. За време на нејзината посета на Папата, неколку месеци по прогласувањето, новокрунисаната кралица носеше бела облека. Сепак, носењето бело не е задолжително за овие жени.
На пример, Шарлин од Монако, сопругата на принцот Алберт, одлучила да носи црно за време на нејзината последна посета на Папата, иако претходно носела бело. Слично на тоа, Големата војвотка Марија Тереза од Луксембург одлучи да носи црно, иако го доби правото да носи бело кога стана придружничка на владетелот во 2000 година.
Белгиските монарси исто така имаат право да носат бело: поранешната кралица Паола и сегашната кралица Матилда.
Кралицата Матилда имаше средба со папата Франциск кон средината на септември 2023 година. Но, само католичките монарси и нивните сопруги се опфатени со оваа привилегија. На пример, иако кралицата Максима од Холандија останала католик откако се омажила за протестантскиот принц Вилијам, таа нема право да носи бело пред папата.
