Блокади во голем број градови во Србија

Српската жандармерија доцна синоќа употреби физичка сила врз студенти пред Правниот факултет во Белград, по што според студентски тврдења, привела четириесетина студенти како и професорка. Жандармеријата потоа се обиде да влезе во факултетот, но командирите ја спречија во тоа, јавија белградски медиуми.

Студентите до доцна синоќа улицата пред факултетот.

„Полицијата дојде со возила и ги нападна студентите. Тие се повлекоа кон и во зградата на факултетот, потоа полицијата дури дојде и до факултетот, додека командирите викаа, не влегувајте…Извлекуваа студенти за да ги приведуваат, им ги врзуваа рацете со ленти и лисици и ги тепаа. Ја удираа и поранешната судијка на Врховниот суд која беше таму, изјави за ТВ Н1 познатиот српски новинар Вук Цвијиќ.

Како што објавија студентите на Правниот факултет во блокада на социјалните мрежи, полицијата „се залетала кон студентите кои мирно седеле, потоа полицајците силно удирале на влезната врата од факултетот“. Тие објавија и видеа на социјални мрежи од полициската акција