Десетте најдобриски ски-одморалишта во Европа: На листата е и еден од Македонија

Меѓу десетте најдобри ски – одморалишта во Европа има е еден и од Македонија. Листата е составена врз база на пристапноста на хотелите, евтините ски-карти и патеки идеални за почетници и професионалци

Ново истражување откри кои ски-дестинации во Европа се најдобри.

Анкетата, спроведена од осигурителна компанија за скијачки спортови, вклучуваше осум критериуми за добари ски-одморалишта: вкупна дневна цена на ски-картичката, просечна оценка, број на лифтови, најголема надморска височина, должина на патеките, просечна цена на хотелот и број на хотели во радиус од 10 километри.

Просечната оценка со ѕвездички и цената на хотелите во близина имаа најголема тежина во оценката. Ски-одморалиштата беа оценети до 80 поени, а просечната оценка беше 52,9.

1. Алеко – Витоша, Бугарија

Одморалиштето Алеко беше прогласено за најдобро за скијачки авантури. Освои 74,2 поени од можни 80 благодарение на лесната пристапност, дури 197 хотели во близина, висинската разлика помеѓу горниот и долниот дел од патеката од 740 метри и прифатливата цена на дневна карта од 26 евра.

2. Страја – Романија

На второ место е одморалиштето Страја во округот Хунедоара, со 72 поени. Дневна карта за возрасни чини околу 25 евра, а висинската разлика е 738 метри. Дури 69 проценти од посетителите ги оценуваат патеките како „средно тешки“.

3. Равна планина – Босна и Херцеговина

Третото место го зазеде Равна планина со 71,8 поени. Оваа дестинација е омилена кај почетниците, бидејќи 86 проценти од патеките спаѓаат во категоријата „лесни“. Дневна ски карта чини само 15 евра, што ја прави прифатлив избор.

4. Торник – Златибор, Србија

На четвртото место е Торник — Златибор со резултат од 71,5. Просечната неделна цена за сместување во еден од 45-те блиски хотели е околу 950 евра. Висинската разлика е 380 метри, а патеките се оценети како „лесни“ (23 проценти) и „средно тешки“ (60 проценти).

5. Колашин 1450 и 1600 – Црна Гора

Петтото место го заземаат Колашин 1450 и Колашин 1600, со вкупно 70,1 поен. Одморалиштето има седум лифтови, просечна хотелска цена од 650 евра и дневна ски-карта од 25 евра.

6. Банско – Бугарија

Банско е на шестото место, со 69,8 поени. Со 59 проценти лесни патеки, идеален е за почетници. Просечна оценка од 4,2 ѕвездички покажува колку е популарен кај туристите.

7. Мали Игман – Босна и Херцеговина

На седмото место е Мали Игман, со 68,9 поени. Дневна карта за возрасни чини 21 евро, а 50 проценти од патеките се оценети со „средна тежина“, што го прави одличен избор за поискусните скијачи.

8. Sejuz 2000 – Gap, Франција

Осмото место го зазема Céüze 2000 (Céüze 2000) во градот Гап, со 68,1 поени. Цената на сместување во еден од 86-те блиски хотели е во просек 650 евра, додека дневна карта чини 19 евра.

9. Маврово – Заре Лазарески, Македонија

Деветтото место му припадна на македонското одморалиште Маврово — Заре Лазарески, со 67,7 поени. Висинската разлика е 623 метри, а 42 проценти од посетителите ги оценуваат патеките како „средно тешки“.

10. Алп ди Гран Сер – Франција

Алп ди Гран-Сер во Ла Морт е на десеттото место, со 67,7 поени. Најпогоден е за почетници. Дури 65 проценти од патеките се оценети како „лесни“.