Skip to content
Опозицискиот Социјалдемократски сојуз на Македонија (СДСМ) ја обвини Владата дека го одбила предлогот за зголемување на минималната плата на 600 евра, додека истовремено продолжува со, како што велат, луксузни и непродуктивни трошоци.
Од партијата посочуваат дека во услови на зголемени трошоци за живот и раст на цените, илјадници работници едвај ги покриваат основните потреби. Според СДСМ, наместо поддршка за граѓаните со ниски примања, власта избрала да троши буџетски средства за авиони, скапи набавки и раскошни трошоци.
„Нема 600 евра за работниците, но има за авиони и луксуз“, наведуваат од СДСМ, оценувајќи дека ваквата одлука е удар врз животниот стандард на граѓаните.
Партијата бара итен ребаланс на Буџетот и пренамена на средствата кон зголемување на минималната плата, со цел да се ублажи економскиот притисок врз домаќинствата.