Skip to content
Националната управа за безбедност на сообраќајот на автопатиштата од САД (NHTSA) ги повика сопствениците на повеќе од 720.000 возила на БМВ (BMW) да ги паркираат надвор поради ризик од пожар сè додека не завршат поправките.
БМВ соопшти дека ризични се 720.796 возила. Во возилата може да избие пожар додека автомобилите се паркирани и исклучени. Возилата претходно беа повлечени во 2024 година поради проблем со пумпата за вода и мора повторно да бидат поправени, соопшти NHTSA, додавајќи дека сопствениците „треба да го паркираат своето возило надвор и подалеку од згради и други возила сè додека возилото не биде поправено“.
БМВ сè уште работи на решението и е запознаен со 10 инциденти со пожар кои можеби се поврзани со овој проблем и се случиле откако возилата биле поправени во рамки на повлекувањето од 2024 година.
Од NHTSA наведоа дека несоодветно запечатен електричен конектор на пумпата за вода може да биде изложен на вода и да предизвика краток спој, со што се зголемува ризикот од пожар.
Од NHTSA соопштија дека следните возила треба да се паркираат надвор сè додека не се извршат поправките:
- 2012–2016 BMW Серија 3 (3 Series)
- 2012–2016 BMW Серија 5 (5 Series)
- 2012–2015 BMW X1
- 2012–2016 BMW Z4
- 2013–2017 BMW X3
- 2014–2016 BMW Серија 2 купе (2 Series coupe)
- 2014–2016 BMW Серија 3 караван (3 Series sportswagon)
- 2014–2016 BMW 328xi Gran Turismo
- 2014–2016 BMW Серија 4 кабриолет (4 Series convertible)
- 2014–2016 BMW Серија 4 купе (4 Series coupe)
- 2015–2016 BMW Серија 2 кабриолет (2 Series convertible)
- 2015–2016 BMW Серија 4 гран купе (4 Series gran coupe)
- 2015–2018 BMW X4
- 2016–2018 BMW X5 xDrive40e
