Skip to content
Израелската армија денеска соопшти дека почнала „оперативни активности“ во центарот на Газа, како дел од можното проширување на офанзивата против Хамас.
Се вели дека израелските сили дејствуваат „и над и под земја“ во источните делови на Деир ал-Балах и Буреиџ, палестински бегалски камп од времето на војната во 1948 година што избувна по создавањето на Израел.
Операциите почнале со воздушни напади врз инфраструктурата на екстремистите, по што следела целна дневна операција во двете области, пренесе Бета. „Тајмс оф Израел“ во меѓувреме јави дека израелската влада го зголемила бројот на воени резервисти што армијата може да ги повика од 300.000 на 350.000.
Палестинската новинска агенција Вафа јави дека синоќа биле убиени десетици палестински цивили.
Телевизијата Ал Џезира јави дека локални извори рекле дека 75 Палестинци биле убиени во израелски напади врз Газа во изминатите 24 часа и дека освен густо населениот камп Буреиџ, биле нападнати и кампот Магази и населбите источно од Деир ал Балах. Во мај, Израел I забрани на Ал Џезира да работи во земјата.
