Перпарим Бајрами се предаде: Поранешниот директор на Државна лотарија е лишен од слобода

Поранешниот директор на Државна лотарија, Перпарим Бајрами, кој повеќе од една година беше недостапен за органите на прогонот, утринава се предал и е лишен од слобода.

Бајрами, кој е осомничен за проневера и злоупотреба на службената положба во случајот поврзан со Државна лотарија, во 5:35 часот самоволно се пријавил кај надлежните органи, јави утрово Курир.мк.

Според објавените информации, тој пристигнал пеш и се пријавил во својство на лице по кое е распишана мерка „апси“.

Мерката била распишана по барање на СМПС – Одделение за потраги, согласно член 354 став 5 од Кривичниот законик. Откако мерката била потврдена, Бајрами бил лишен од слобода и треба да биде спроведен во понатамошна постапка пред надлежните органи.

Неговото предавање доаѓа откако Бајрами беше во бегство, а по него беше распишана и меѓународна потерница. Тој беше барани заедно со поранешниот прв вицепремиер и министер за политички систем, Артан Груби, во рамки на истрагата за сомнежи за незаконитости поврзани со Државна лотарија.

Со предавањето на Бајрами, уште едно од лицата по кои трагаа македонските органи на прогонот сега е достапно за постапката. Претходно, во сличен контекст, во јавноста беше потврдено и предавањето на Артан Груби.

За Бајрами сега следува постапка пред надлежните институции, по која треба да се утврдат фактите и неговата евентуална кривична одговорност. Самото сомнение или обвинение не значи и утврдена вина.