ДУИ: За неполни два месеци 5 мртви деца – Време е за одговорност!

„Смртта на уште едно невино дете на Универзитетската детска клиника е трагедија која не може да се игнорира.

Ова е петти пат да слушаме за загуба на млад живот, во рок од два месеци, додека здравствениот систем е оставен на автопилот, а министерот за здравство се занимава со партиски агенди.

Од едно интервју до друго, министерот повеќе е по партиски игри отколку во министерство, додека нашите најблиски ја плаќаат цената на неспособноста и негрижата.

Ова ги премина сите граници на она што е хумано и прифатливо.

Во име на одговорност кон граѓаните бараме итна оставка од директорот на Клиниката и министерот за здравство.

Невидената неодговорност и неспособност ги чинат животите на нашите најмили деца. Ова е аларм кој повеќе не може да се игнорира“ – велат од ДУИ.