Skip to content
Заврши уште една возбудлива сезона во Формула 1, а во последната трка на календарот, трката за Големата награда на Абу Даби, Ландо Норис со победата пред двоецот од Ферари, успеа да им ја донесе титулата во конкуренцијата на конструктори на Мекларен.
Ова е прва титула за Мекларен од 1998 година.
Норис водеше на трката од самиот старт до крајот и стигна до неговата четврта победа оваа сезона, што беше доволно за неговиот тим да ја освои титулата со 14 поени предност пред Ферари, чии возачи, Шарл Леклер и Карлос Саинц завршија на втората и третата позиција.
Леклер трката ја стартуваше на 19 позиција, но успеа да ги искористи стие можности и стигна до подиуми, очекувајќи грешка на Норис за Ферари да стигне до титулата.
Шампион во возачите е Макс Верстапен, кој ја освои неговата четврта по ред титула на трката за Големата награда на Лас Вегас.
