„Запознајте ја Преспа“, е насловен фестивалот што настана од иницијативата да ги поврзува луѓе од трите страни на Езерото. Овие три дена се реализира на неколку локации во Преспа, со добра музика, храна и дружење.
Фестивалот е кофинансиран од Европската Унија и се одржува под мотото – запознај го триаголникот на овој дел од светот преку музика, гастрономија и животот на локалното население, обединети заедно за европската перспектива на регионот.
![](https://mia.mk/articles/images/%D0%B7%D0%B0%D0%BF%D0%BE%D0%B7%D0%BD%D0%B0%D1%98%D1%82%D0%B5%D1%98%D0%B0%D0%BF%D1%80%D0%B5%D1%81%D0%BF%D0%B0%D1%84%D0%B5%D1%81%D1%82%D0%B8%D0%B2%D0%B0%D0%BB%D1%88%D1%82%D0%BE%D0%BF%D0%BE%D0%B2%D1%80%D0%B7%D1%83%D0%B2%D0%B0%D0%BB%D1%83%D1%93%D0%B5%D0%BE%D0%B4%D1%82%D1%80%D0%B8%D1%82%D0%B5%D1%81%D1%82%D1%80%D0%B0%D0%BD%D0%B8%D0%BD%D0%B0%D0%B5%D0%B7%D0%B5LNVFC/9mBsubZ8u/large.webp?use_watermark=0)
– Преку фестивалот „Запознајте ја Преспа”, се запознавате со културното наследство на еден регион преполн со историски и културни локалитети, вклучувајќи антички цркви, манастири и археолошки локалитети. Регионот има неколку живописни села познати по својата традиционална архитектура и мирен амбиент. Музиката, гастрономијата и животот го формираат совршениот триаголник на регионот Преспа, порачуваат организаторите.