Skip to content
Словачкиот премиер Роберт Фицо ја прифати оставката на својот советник Мирослав Лајчак, откако неговото име се појави во новообјавени документи поврзани со случајот „Епстин“. Лајчак се повлече од функцијата по медиумскиот и политичкиот притисок што следеше по објавата, при што во јавните реакции беше нагласено дека тој не е обвинет за кривично дело, но дека контактите – во форма на комуникација – предизвикале сериозни политички последици.
Според Фицо, Лајчак со оставката „покажал дека е голем дипломат“, а премиерот ја оцени како лицемерна лавината критики што дошла „од сите страни“, тврдејќи дека нападите се базираат на инсинуации што неговиот советник ги отфрла. Документите се дел од поширока објава на материјали поврзани со истрагите за Епстин, што изминативе денови предизвика реакции и во други земји.