Владата го избриша „македонска“ од Денот на револуционерната борба

На Денот на македонската револуционерна борба, Владата го одбележува празникот под мотото „Свои на своето“, но зборот „македонска“ изостанува од владината објава по повод празникот.

Пропуст или свесен избор? И зошто е изоставен токму зборот што го означува македонскиот историски и национален идентитет?

Иронијата е што ВМРО-ДПМНЕ жестоко се противеше на Преспанскиот договор, а денес, од позиција на власт, ја изоставува идентитетската одредница „македонска“, чија употреба е зачувана токму со тој договор. Така, партијата што тврдеше дека со Преспа се загрозува македонскиот идентитет, денес самата ја изоставува одредницата што договорот ја заштити.