Филипче: Законите за правосудството од Планот за раст се реформа, а смената на јавниот обвинител е партизација

Притисокот за смена на јавниот обвинител не е реформа туку партизација на правосудството, рече денеска претседателето на СДСМ Венко Филипче на брифингот со новинарите.

„Вистински реформи согласно препораките и стандардите на ЕУ се клучни, а сѐ друго е само упад во правосудниот систем како што е и иницијативата за интерпелација на Судскиот совет“, истакна Филипче.

Тој посочи дека во март и во април во Собранието треба да почне распрвата и да поминат серија заккони кои се дел од реформите на правосудството и кои се дел од Планот за раст.

„Со интерпелацијата и ако теа предизвика оставки на членовите на Судскиот совет, ќе се донесат нови членови според стариот, односно постиоечкиот закон и тоа нема ништо да смени. Само ќе се продолжи оваа состојба за уште 6 години“, укажа Филипче. „Со донесувањето на законите во март и април кои се дел од реформите во правосудството од Планот за раст ќе го направиме поместувањето во оваа насока“.

Филипче уште еднаш истакна дека СДСМ ќе ги поддржи сите закони кои се дел од Планот за раст.