Филипче: Да му се даде важност и должна почит на секој наш член

Венко Филипче кој вчера ја официјализираше својата кандидатура за претседател на СДСМ вели дека централна тема во неговата кампања ќе биде односот на раководството кон членовите и начинот на кој ќе комуницира партијата со членовит. Тој потенцира дека неговата програма е производ на барањата на членовите со кои имал стотици средби за време на кампањата.

„Мојата идеја и план, мојата визија што ја имам преточено во програмата што ја доставив и која е целосно компатибилна со барањата, сугестиите и забелешките на нашите членови што ги слушнав за време на кампањата за парламентарните избори. Еден систем што сметам дека треба да се имплементира во партијата, а тоа значи на секој да му се даде важност, должна почит, внимание, да биде сослушан бидејќи секој од нашите членови има идеја и секоја идеја е за почит и треба да биде инкорпорирана“ – вели Филипче. Филипче: Да му се даде важност и должна почит на секој наш член.