На програмата на „Скопско лето“ вечер ќе има три настани – претставата за деца „Хајди“ на Театарот за деца и младинци, концерт на Националната опера и балет и фотоизложба во Младинскиот културен центар.
Претставата „Хајди“ ќе биде изведена од 19 часот во Театарот за деца и младинци и е наменета за деца над шест години. Работена е според романот на Јохана Шпири, во режија на Драгана Гунин и драматизација на Драгана Лукан-Николоски.
Во претставата учествуваат Ангела Димитрова, Петар Стојанов, Наташа Петровиќ, Владимир Лазовски, Ана Левајковиќ-Бошков и Изабела Новотни. Музиката е на Ади Имери, костимограф е Елена Вангеловска, сценограф – Кирил Василев.
![](https://mia.mk/articles/images/%D0%BF%D1%80%D0%B5%D1%82%D1%81%D1%82%D0%B0%D0%B2%D0%B0%D1%85%D0%B0%D1%98%D0%B4%D0%B8%D0%BA%D0%BE%D0%BD%D1%86%D0%B5%D1%80%D1%82%D0%BD%D0%B0%D1%85%D0%BE%D1%80%D1%81%D0%BA%D0%B8%D1%81%D0%BE%D0%BB%D0%B8%D1%81%D1%82%D0%B8%D0%B8%D1%84%D0%BE%D1%82%D0%BE%D0%B8%D0%B7%D0%BB%D0%BE%D0%B6%D0%B1%D0%B0%D0%B2%D0%B5%D1%87%D0%B5%D1%80%D0%BD%D0%B0%D1%81%D0%BA%D0%BE%D0%BF%D1%81HXAQ7/C2gKyJLaW/large.webp?use_watermark=0)
Од 20.30 часот пред Националната опера и балет ќе се одржи концерт на хорски солисти на Националната опера и балет, со учество на Денис Димовски, Билјана Бајевска, Катерина Весковска, Марија Наумовска, Виктор Битовски, Никола Чедомировски, Мила Николовска и Надежда Рубен, во придружба на пијанистката Елена Сиљаноска.
Дирекцијата за култура и уметност-Скопје, организатор на „Скопско лето“, напоменува дека во случај на дожд и невреме, концертот ќе се одржи во фоајето на Националната опера и балет. Влезот е слободен.
![](https://mia.mk/articles/images/%D0%BF%D1%80%D0%B5%D1%82%D1%81%D1%82%D0%B0%D0%B2%D0%B0%D1%85%D0%B0%D1%98%D0%B4%D0%B8%D0%BA%D0%BE%D0%BD%D1%86%D0%B5%D1%80%D1%82%D0%BD%D0%B0%D1%85%D0%BE%D1%80%D1%81%D0%BA%D0%B8%D1%81%D0%BE%D0%BB%D0%B8%D1%81%D1%82%D0%B8%D0%B8%D1%84%D0%BE%D1%82%D0%BE%D0%B8%D0%B7%D0%BB%D0%BE%D0%B6%D0%B1%D0%B0%D0%B2%D0%B5%D1%87%D0%B5%D1%80%D0%BD%D0%B0%D1%81%D0%BA%D0%BE%D0%BF%D1%81qdBHa/jaPNIvciJ/large.webp?use_watermark=0)
Со почеток во 20.30 часот во Младинскиот културен центар, пак, во рамки на летниот скопски фестивал, ќе биде отворена фотоизложба на Бобан Китановски насловена „30 моменти македонска убавина“.